Testing

Ønskjer du å trena målretta og kvalitetssikre treninga di? Då gjer du lurt i å investera i ein test.

Regelmessig testing har ein naturleg plass i eit kvart seriøst treningsprogram. Viktige stikkord i høve testing er treningskontroll, motivasjon, samt justering av belastning og intensitet.

Idrettssenteret har eit nymoderne og topp utrusta fysiologilaboratorium der ein har moglegheit til å teste faktorar innan:

• Uthald
• Styrke og kraftutvikling
• Hurtigheit og spenst

• Kroppssamansetning

Idrettssenteret gjennomfører òg enklare indirekte testar som på ein enkel måte kan gi deg svar på forma di. I tillegg til testen har du som kunde krav på rettleiing og forklaring av testresultat i etterkant av test. Idrettssenteret har lang erfaring og høg kompetanse innan testing, og kan tilby testar som passar deg og dine behov.
Invester i ein test du òg, og få maksimalt utbyte av ditt treningsregime.

Førbuinga til testing bør vera mest mogleg lik frå gong til gong.

• Trening: Du bør unngå hard trening dagen før test, du bør ikkje trene tidligare på testdagen.
• Kvile: Du bør ha tilstrekkjeleg med kvile dagane før testen, samt unngå slitsame reiser.
• Tidspunkt: Det er fordelaktig at testane føregår til omtrent same tidspunkt på døgnet.
• Helse: Du må vera frisk under testinga. Avdi testen skal seia noko om kapasiteten din bør du ha vore frisk og i normal trening siste veka.
• Kosthald: Du bør få i deg mat og drikke i rett mengde og i rett tid i forhold til testen.
• Rusmidlar: Du må unngå tobakk, alkohol og andre rusmidlar dei siste 24 timane før test.
• Bekledning: Du bør ha same type klede og sko ved testane.
• Oppvarming: Eventuell oppvarming før test må være lik frå gang til gang. I nokre testar (laktatprofil) inngår oppvarminga som del av testprotokollen. Ved andre testar må du sjølv varme opp i 20-30 min.
• Informasjon: Du bør vera klar over korleis testen føregår og ha fått informasjon om testen.
• Helsekontroll bør verta utført i forkant av visse testar for visse testpersonar

I nokre tilfeller vil det vera aktuelt at du fyller ut eit spørjeskjema om førebuinga i høve mat, trening, overskot, sjukdom, skader, medisinbruk og motivasjon. Eldre personar og personar med risiko for komplikasjonar under testane, bør gjennomføre helsesjekk og fylle ut spørjeskjema i samråd med lege.

Kontaktperson

Håkon Ranness

Epost: testleiar@idrettssenteret.no

Mobil: 452 89 461

Les meir

Prisar